戲迷分享地帶：
好感謝好，感動喺英國六年半，唔知有幾耐冇入戲院睇港產片，仲要係睇最愛嘅子華神，真係好開心。尤其睇到香港夜景發現我仲係好愛香港，雖然我知道香港已經同我長大認識嘅地 方不一樣。但既然已經打開門行出去，仲已經行到咁遠，希望往後繼續用自己嘅方式去愛香港。 (Table for 6)【戲迷Debbie】
個個都好好戲，有笑有淚，特別最後嗰幕係香港的夜景…靚到呢!大家嚟到英國一齊努力互相幫助，一齊行遠啲 (Table for six)【戲迷Ron】
「飯氣攻心」個個都做得好特別最後嗰句「屋企人喺邊邊度就喺屋企」更突出，令我未到新年便有「團圓的感覺」，令人感動。【十一歲的Mavis】
睇完「飯氣攻心」，覺得嚟英國後更抱有希望，信念 ，希望大家一齊擁抱明天 【70多歲的李伯伯】
何爵天首部執導的「正義迴廊」，不論資料蒐集的豐富程度，劇情層層推進的張力，角色選角的恰當等都令我有非常大的驚喜，完全不像一個新的導演的首部作品。 麥沛東當然無懈可擊，語氣，一舉一動都跟真實人物好神似，相信在事前做了很多準備功夫，如無意外，肯定係今屆影帝大熱門。 而令我最驚喜係陪審團，佢地雖然戲份唔算多，但短短幾場戲己可知道每人對案件的取態，反映到真實普羅大眾對此單案的不同觀點/切 入點；陪審團的精彩演出，令觀眾會好容易將自己投射到其中一陪審團中，推進到大家一齊想去解開謎團 整體而言，「正義迴廊」係近年極其高水準的一套電影，戲迷絕對值得一看再看。【電影迷Eric】
「飯氣攻心」絕對係神劇，唔需要華麗的佈景，只需幾場飯局，己可描繪出不同角色的性格，背景；對白細緻，笑中有淚，有深層喻意，令身在英國既我更有共鳴。 最令我深刻的角色係阿Meow, 一向以為佢只係做到花瓶角色，今次真係喜出望外，即使同子華對戲都不落下風,期待佢下一部作品 最後，香港人加油，「屋企人喺邊，邊到就係屋企」 【戲迷米安】
港產電影欣賞
流程
編者的話
如果有興趣加入的話，歡迎聯絡我們:Norwichhker.movie@gmail.com
