諾域治港人快樂足球不經不覺已經成立咗一年了，由最初只得10個8個中坑😂到依家至少20幾人，再加上一班年輕人嘅加入，由細嘅7人場去到而家踢11人大場，真係好似睇 住自己個BB成長一樣，好開心。
可惜……今日知道有兩位年輕人要離開Norwich，去另一個城市讀大學，真係有啲唔捨得。不過呢個都係一生嘅必經階段，離離合合，到咗我呢個年紀都睇化晒嘞😂 希望佢哋遲啲放假會返嚟探我哋，再同我哋呢班老人家踢下波吹下水啦。祝願JP 及Nicholas 學業有成😉
新嘅學年又就快開始啦，應該都會有唔少嘅香港人喺7及8月嚟Norwich (又或者其他英國城市)。祝福大家都會順順利利，遇到任何困難都可以迎刃而解，盡快適應及開展喺英國嘅新生活！
